Juliette Has A Gun
Dəbli
parfümeriya markası Juliette Has A Gun –un qurucusu, əfsanəvi "L'air du Temps" ətrini
yaradan Robert Ricci-nin nəvəsi, dünya şöhrətli Nina Ricci-nin isə nəticəsi Romano
Ricci-dir. Uşaqlığı babasının fabrikində keçən Romano, gözəlliyin, dəbin və
şöhrətin əhatəsində böyüyüb-başa çatmışdı. Bütün görüb -öyrəndiklərindən təsirlənən
Romano 2006-cı ildə şəxsi parfümeriya brendini yaradır. O, sözügedən ətir
brendi ilə Şekspir qəhrəmanı Juliette-nı XXI əsrdə silahlanmış obrazını
yaratmışdır. XXI əsr Juliette-in silahı isə ətridir: öz yolunu seçərək, seçimləri
və yanaşması ilə digərlərini tərkisilah edən qadın təcəssümüdür. Brendin ətirləri
isə həyatın inanılmaz nəfəsini yeni bir şəkildə hiss edən, zərif ətrin dərinliyini
qiymətləndirən sadiq pərəstişkarlarını qazanmışdır.